Parashikimi është i përgjithshëm dhe mund të mos i përshtatet që të gjithëve prej jush. Ky interpretim planetar i muajit Dhjetor vlen për njerëzit që kanë Diellin në Gaforre, Hënën në shenjën e Gaforres, dhe sidomos për ata që kanë Ashendenten në shenjën e Gaforres. Për të gjetur shenjat e këtyre 3 pozicioneve qiellore të momentit të lindjes suaj,mund të përdorni këtë program online: Birth Chart Calculator
♋︎ Duhet t’i kushtoni vëmendje gjërave të cilat që tani e dini që i ka kaluar koha e tani nuk ju interesojnë më. Ndoshta dikur i keni dashur shumë këto gjëra por tani jo më. Ndoshta ndonjëherë mund t’i hedhni pak gaz këtij zjarri të vjetër por tani nuk ndjeheni më njësoj. Nëse ndjeheni se po lodheni shumë prej një gjëje të caktuar, përpiloni dhe një strategji për të dalë jashtë prej kësaj situate apo vendi të pasigurt. Shumë prej jush kanë mundësinë që të bëjnë një lëvizje fizike; transferim; ndryshim në fushën e punës; ndryshim në zyrë apo në ambjent pune. Shumë prej jush do kuptojnë këtë muaj se mund të punoni më pak dhe të fitoni njësoj para, në mos më shumë.
Nëse ndjeheni të bllokuar, do vijë diçka e re që do ju entuziasmojë shumë (më në fund).
Mund të dalin në pah disa sekrete ose të dëgjoni disa rrëfime shumë të rëndësishme këtë muaj. Dikush mund të ndajë me ju diçka që ka të bëjë dhe me ju ose diçka që ju ka prekur në një moment të shkuar. Kjo do jetë dhe mundësi për të rregulluar një raport të vjetër miqësor. Gjithashtu nëse keni patur probleme me diçka që keni në pronësi, diçka do ndryshojë këtë muaj. Mund të zbuloni nëse dikush ju ka manipuluar dhe mund të jetë diçka që ju ka prekur jo vetëm ju por dhe shumë të tjerë. Shumë të vërteta fallso mund të dalin në pah gjatë muajit dhjetor 2021. Gjithashtu me shumë mundësi nëse do zbuloni një gjë të tillë, nuk do e mbani për vete por do lajmëroni dhe të tjerët.
Mund të merrni një vlerësim apo shpërblim për sjelljen tuaj në një moment të caktuar. Gjithashtu nëse jeni vlerësuar për diçka që nuk ju bën më të ndjeheni mirë apo të sinqertë me veten, nuk do merreni më me këtë gjë. Ka njerëz që do duan t’ju afrohen që t’ju japin dashurinë e tyre, dhe nëse dalloni se ky njeri apo këta njerëz nuk e bëjnë këtë gjë në mënyrë “perfekte”, mund t’ju sugjerohet që të bëni durim dhe të tregoni aftësinë tuaj për të komunikuar nevojat tuaja.
Do merrni një pozicion me autoritet dhe kjo mund t’ju duket e vështirë apo presionuese, por jy është një presion që do ju bëjë mirë e që do e menaxhoni mirë.
Sa i përket raporteve, do keni nevojë për këshillat e njerëzve afër. Mund të njihni dikë pas të cilit do keni një tërheqje shumë të madhe. Mund të njihni dikë që ka një jetë shumë interesante dhe një sukes publik, pra një njeri që mund të njihet prej relativisht shumë njerëzve. Ndoshta do ju duhet që të tregoni mbështetje në momentin që dalloni se ky person priret për ta sabotuar suksesin e vet. Këtë muaj mund të jeni shpatulla ku partneri do ketë nevojë të mbështetet. Ata prej jush që janë beqarë, mund të njihni shumë njerëz. Nëse duhet të zgjidhni mes një personi “të thjeshtë” që ju tërheq shumë dhe një personi që më sipërfaqësor por që gjithashtu ju tërheq shumë, zgjidhni personin më të thjeshtë sepse shanset që të ndjeheni mirë në afatgjatë do jenë më të mëdha.
https://www.youtube.com/watch?v=ELPOCJvDz3w Kjo është kënga që do ju sugjeroja këtë muaj
Qiell të Mbarë.
Për porosi për Parashikim Personal Astrologjik: Harta Astrologjike
Kontakt në Instagram: @hartastrologjike
Libri im: Ajlen – Libri roman
