Muaji Tetor është muaji juaj dhe ju uroj gëzuar datëlindjen kujtdo që e ka datëlindjen sot që po lexon parashikimin mujor, të gjithëve ju që e keni kaluar dhe do e festoni.
Në përgjithësi këtë muaj do zgjidhni shumë probleme, do zgjidhni çeshtje me rëndësi për ju. Do ndjehni të aftë për të arritur çfarëdo gjëje që i caktoni vetes.
Planeti juaj drejtues është në Akrep. Kjo do të thotë se ju jepet një mundësi për të reflektuar lidhur me jetën tuaj dashurore, lidhur me lidhjet tuaja me njerëz të ndryshëm, lidhur me bashkëpunimet tuaja me njerëz të ndryshëm. Do shqyrtoni se si e vlerësoni veten, se si e prezantoni veten para botës, si doni që të dukeni.
Këtë muaj do ju realizohen shumë dëshira, do jetë më e lehtë se zkaonisht që të merreni me punë të caktuara. Gjithashtu jeni të favorizuar për të lëvizur dhe për të udhëtuar diku. Suksesi financiar është shumë prezent, çdo shqetësim financiar mund ta zgjidhni këtë muaj sepse jeni të favorizuar për rritje shitjesh, rritje fitimi, rritje rroge.
Në datën 2 Tetor kishim një mega Eklips në shenjën tuaj të bukur dhe do jepni gjëra thjesht sepse doni që t’i jepni këto gjëra, pa pritur gjëra në këmbim. Do keni fillime të reja në punë, në lidhjet tuaja me të tjerët dhe në lidhje me veten.
Mërkuri do hyjë në shenjën e Akrepit më datë 13 dhe Akrpei për ju përfaqëson kursimet dhe do ndihmoheni me shpenzimet, nuk do bëni shpenzime të tepërta, vetëm ato blerje që ju shërbejnë dhe që ju ndihmojnë që të tërhiqni edhe më shumë të mira në jetën tuaj.
Mund të bëni një udhëtim të shkurtër jashtë vendit ose brenda vendit, dhe kudo që të jetë, do e shijoni shumë. Ndoshta gjithashtu disa prej jush do blejnë jashtë vendit, mund të bëni blerje online, ose do shisni diçka jashtë vendit, duke shkuar vetë diku ose duke e shitur online gjithashtu.
Kjo periudhë do jetë periudhë e mirë për të folur mbi gjëra që ju kanë shqetësuar më parë. Nëse i keni vënë vetes qëllim që të fitoni një shpërblim këtë muaj, do e fitoni. Është muaj shumë i mirë financiar dhe për të përfituar nga këto mudnësi financiare, mund t’ju duhet që të udhëtoni jashtë vendit ose jashtë qytetit tuaj.
Më datë 17 Hëna e plotë në shenjën e Dashit do ju ndihmojë që të dalloni të vërtetën në një situatë të caktuar dhe më në fund nuk do përfshiheni më në asgjë që merr më shumë seç është e drejtë që të merret nga ju.
Nga data 23 tetor Akrepi do jetë shenja që do marrë vëmendjen e Diellit, dhe për ju do fillojë një periudhë e mirë për nisma të reja, për sipërmarrje të nxitura nga motivimi dhe pasioni juaj personal
Qiell të mbarë.
